Psa 129 | HUI | STEP | Isaraelealiru-o bambaore howa tí waitigirume pigane hemingi howa mo ko hama ibalu haabo henego te langibe.

Psalms 129

Isaraelealirume waitigi bu hearu mo ko helonaga Anduane Homogohondo bi lenego ogo

1 Isaraelealiru-o bambaore howa tí waitigirume pigane hemingi howa
mo ko hama ibalu haabo henego te langibe.

2 I̱na í̠hondo langialu lalu,
I̱ daliahe dege hewangi
waitigime mo ko hama ibalu haabo henego áyu kogoni.
Tigua ani binigoyu i̱ bope nahe kogoni.
3 Tigua i̱ pu payini tibume minu bayagola
i̱naga tingini erembiraha poda gaibu baga biya.
I̱naga tingini bayago dere tibu bene wiadagua luni biagimbu bigi bialu
iba ganarua ale pupe haga biya.
4 Tigua ani biyagoyu Anduane Homogo ibu tigabiore kagome
i̱ biamogo bialu waitigi biarunaga garabaya biabe ale bialu haga ndo
i̱ golope hene ko, lalu langerogoni.

5 Waitigirume Saiono handabe manga haga bu karu
tini daluha bo taliadai bimi̱ya hamelo ko.
6 Tiore anda dangini gondo anda ho hagadagua hayagua bayaleda.
Mbiralime gondo ogoni dugu wanahe kaore minalu abale gau laga.
7 Gondo anda dangini anda hene ogoni
mbiralime gandu lowa mo kabubu yalu napiaga ndobe.
8 Wali agali kaware bolangua halu porarume tihondo ogodagua lalu,
Anduane Homogohanda tí mo bayale helo.
Iname nde Anduane Homogonaga minini howa tí mo bayale helo hameledama, lalu nalolebira ndobe.